Osy demalysta aýa raıy qandaı bolady

ASTANA. KAZINFORM - Qazgıdromet sınoptıkteri 20-22 qańtar aralyǵyna arnalǵan úsh kúndik aýa raıy boljamyn jarııalady. 

Aldaǵy kúnderi Shyǵys Eýropa aýdandarynan keletin tsıklon Sibir antıtsıklonyn baıaý yǵystyrady.

Tsıklon aldymen respýblıkanyń batys bóligine áser etedi, onda qar jaýyp, boran soǵady, jel kúsheıedi.

Biraq eldiń soltústiginde, shyǵysynda, ońtústiginde jáne ortalyǵynda apta tynysh aıaqtalady. Onda negizinen jaýyn-shashyn jaýmaıdy.

Respýblıkanyń ońtústik-shyǵysyna Iran aýdandarynan jyly aýa massalary keledi, sondyqtan turaqsyz aýa raıy boljanady: qar jaýady, keıde qatty qar jaýyp, jel kúsheıedi. 

Túnde eldiń batysynda aýa temperatýrasy — 7-15 aıazǵa deıin, soltústik-batysta, soltústikte jáne ortalyqta — 15-23 aıazǵa deıin álsireıdi, ońtústikte — 5-13 aıazǵa deıin kóteriledi, shyǵysta — 22-31 aıazǵa deıin, ońtústik-shyǵysta — 13-22 gradýsqa deıin tómendeıdi.