Osy aptadaǵy eń basty kınopremeralar — sheteldik jáne otandyq týyndylar
ASTANA. KAZINFORM — Osy aptada kınoteatrlar repertýary sheteldik horrorlar men shytyrman oqıǵaly dramalarmen tolyqty. Halyqaralyq deńgeıde tanylǵan akterler men rejısserlerdiń fılmderi kórermen nazaryna usynyldy. Sonymen qatar, otandyq jańa týyndylar da prokatqa shyqty. Kazinform tilshisiniń sholýynda osy aptadaǵy eń basty kınopremeralardy usynamyz.
Orman mystany Djessı Baklı (Lesnaıa vedma Djessı Baklı)
Janry: melodrama, trıller
Uzaqtyǵy: 110 mınýt
El: Ulybrıtanııa, AQSh 2026
Djessı Baklı — búgingi kúnniń talantty aktrısasy. Onyń ishki náziktigi ekranda erekshe energııamen seziledi. Aktrısanyń daýsy keremet vokalǵa ıe, dıapazony keń. Ony «Zver», «Djýdı», «Neznakomaıa doch», «Chernobyl» fılmderinde estip, kórýge bolady. Djessı Baklı eki márte «Oskar» jáne «Altyn globýs» nomınatsııalaryna usynylǵan. Onyń stıli — kúshti áıel beınesi, al amplýasy — shynaıy emotsııany jetkizý.
Alyp (Gıgant)
Reıtıng: 6.5
Janry: drama, sport
Uzaqtyǵy: 110 mınýt
El: Ulybrıtanııa, 2026
Rejısseri: Roýen Eteıl
Kóshedegi tóbelesterden álemdik arenalarǵa deıin. «Prınts» Nasım Hamedtiń chempıondyq tıtýlǵa jetý joly osyndaı boldy. Bul — tek ózine degen senimniń nátıjesi emes, tálimger Brendan Ingldiń de eńbegi. Ol tyń strategııasy arqyly belgisiz jasóspirimdi álemdik boks juldyzyna aınaldyrdy.
Arǵy atanyń amanaty (Prıanıkı dlıa ee ottsa, moego pradeda, ee deda)
Reıtıng: 9.6
Janry: derekti fılm
Uzaqtyǵy: 76 mınýt
El: Qazaqstan, 2026
Rejısseri: Alına Mýstafına
Qazaqstandyq úsh áıeldiń taǵdyry: ájesi, anasy men nemeresi. Olar Ekinshi dúnıejúzilik soǵys kezinde qaza tapqan arǵy ata, ákeni Polsha elinde jerlengen ornyna sapar shyǵady. Fılm roýd-mývı formatynda túsirilip, otbasylyq jady, túp-tamyrdy izdeý, ulttyq bolmys pen urpaqtar sabaqtastyǵy taqyryptaryn arqaý etedi.
Qanisher kıt (Kıt-ýbııtsa)
Reıtıng: 7.8
Janry: hororr fılm, shytyrman, fantastıka
Uzaqtyǵy: 89 mınýt
El: Avstralııa, Ulybrıtanııa, AQSh, 2026
Rejısseri: Djo-Enn Brechın
Eki qurby demalysqa Taılandqa ushyp keledi. Sol jerde symbatty Djoshpen tanysady. Jigit olarǵa jaǵalaýdyń eń ásem jasyryn jerlerin kórsetýdi usynady. Úsheýi týrıster sırek baratyn tynysh aralǵa keledi. Alaıda jumaqqa uqsas demalys ólimge aparatyn tuzaqqa aınalady. Sebebi olarǵa kıt shabýyl jasaıdy.
Sońǵy mahabbat
Reıtıng: 7.5
Janry: melodrama
Uzaqtyǵy: 85 mınýt
El: Qazaqstan, 2026
Rejısseri: Ernar Nurǵalıev
Taldaýlardaǵy kezdeısoq qate bárin ózgertedi. Aıdar men Dına onkologııalyq ortalyqta kezdesedi. Ekeýi de ómiriniń sońyna taıap qalǵandaı kúıdi keshedi. Alaıda úmitsizdiktiń ornyna olar qalǵan kúnderdi jarqyn «tapsyrmalar oıyny» retinde ótkizýge sheshim qabyldaıdy. Osy jolda olar naǵyz mahabbatqa ıe bolyp, ómirdiń shynaıy mánin tabady.
Gýantanamera
Reıtıng: 5.5
Janry: shytyrman
Uzaqtyǵy: 111 mınýt
El: Reseı, 2026
Rejısseri: Sergeı Mokrıtskıı
Dasha — ekstrımaldy saıahat blogeri. Ony Kýbaǵa tereń súńgý jóninde sıýjet túsirý úshin shaqyrady. Dasha bul sapardyń artynda jasyryn maqsat turǵanyn bilmeıdi. Ony «Bostandyq aralyna» jyldar buryn joǵalyp ketken mańyzdy qujatty izdeýge ákelgen. Qujat tarıhty ózgerte alady eken. Dashanyń atasy, jasyryn barlaý qyzmetkeri bolǵan. Ol kisi Kýba revolıýtsııasyna deıin osy qujatty tapqanymen, tapsyrmany tolyq oryndamaǵan. Búginde 82 jastaǵy zeınettegi atasy nemeresin qutqarý úshin Kýbaǵa oralyp, qujatty taýyp berýige kómektesedi.
Máńgilik patsha men saıqymazaq (Korol ı Shýt. Navsegda)
Reıtıng: 5.5
Janry: shytyrman, drama, komedııa
Uzaqtyǵy: 105 mınýt
El: Reseı, 2026
Rejısseri: Rústem Mosafır
«Patsha men Saıqymazaq» pank-ǵalamyna joıylý qaýpi tónip tur. Arýaq oıatýshy tiriltken óliler ertegi álemin talan-taraj etýde. Zulymdy tek ony jaratqandar jeńe alady…
Astral. Zulym moıyntumar Astral. Amýlet zla
Reıtıng: 6.9
Janry: hororr fılm
Uzaqtyǵy: 98 mınýt
El: Avstralııa, 2026
Rejısseri: Krıstofer Broadbent, Entso Tedeskı
Emılıdiń anasynan qalǵan moıyntumar 25 jyldyq otbasylyq qarǵysty oıatady. Jurt Emılıdi aqylynan adasty dep oılaıdy. Biraq ol otbasylyq shejiresin zertteıdi. «Malınga» arýaǵyn babalarynyń kúnásyn joıyp jibermes buryn, toqtatýy kerek ekenin túsinedi.
Sýper aıý (Sýper mıshka)
Reıtıng: 5.0
Janry: shytyrman, fantastıka, mýltfılm
Uzaqtyǵy: 80 mınýt
El: Qytaı, 2025
Rejısseri: Chjýan Sıao
Ǵaryshtyq alaıaq-qaraqshy ǵalamdy aralap, ańdardy ustap, keıin olardy qymbatqa satýdy kózdeıdi. Bir kúni onyń kemesi Sýper Aıý men onyń dostary turatyn ǵalymshardyń ústinde apatqa ushyraıdy. Barlyq oljasyn joǵaltqan soń, zulym keıipker qaıtadan ańdardy urlaýǵa bel býady. Endi Sýper Aıý men dostaryna alaıaq pıratqa qarsy turýǵa týra keledi.
Aıqaı 7 (Krık 7)
Reıtıng: 8.7
Janry: hororr fılm
Uzaqtyǵy: 114 mınýt
El: AQSh, 2026
Rejısseri: Kevın Ýılıamson
Jańa qalada Sıdnı Preskott ómirin jańa betten bastaıdy. Alaıda qalada «Krık» maskasyn kıgen qaskúnem paıda bolady. Endi onyń qorqynyshtary shyndyqqa aınalady. Sebebi kelesi qurban Sıdnıdiń qyzy bolmaq. Otbasyn qorǵaý úshin Sıdnı ótkenimen qaıta betpe-bet kelip, zorlyq-zombylyq tolqynyn birjola toqtatýǵa májbúr.
Skarlet
Reıtıng: 8.2
Janry: anıme, mýltfılm
Uzaqtyǵy: 111 mınýt
El: Japonııa, 2026
Rejısseri: Mamorý Hosoda
Skarlet — ortaǵasyrlyq dáýirdiń hanshaıymy ári jaýynger. Ol ákesiniń ólimi úshin kek alý maqsatymen qaýipti saparǵa attanady, biraq jeńiliske ushyrap, jumbaq basqa álemge tap bolady. Ol jerde bizdiń zamanymyzdan kelgen jas dárigermen tanysady. Jigit Skarletke shaıqastardan keıin qalpyna kelýge kómektesedi. Ákesin óltirgen adammen qaıta betpe-bet kelgen kezde, Skarletti eń birinshi óz ishindegi jekkórýshilikpen kúresedi.
Ótken aptadaǵy kınopremeralar tizimin osy jerden kóre alasyzdar.
