Osy aptada kınoteatrlarda janrlar toǵysy
ASTANA. KAZINFORM — Osy aptada Qazaqstan kınoteatrlarynda túrli janrdy qamtyǵan jańa fılmder kórermenge jol tartty. Kınoprokatta otandyq kartınalarmen qatar, tarıhı dramalar, qorqynyshty trıllerler, otbasylyq anımatsııalar men sheteldik jobalar usynylyp otyr.
Kazinform tilshisiniń sholýynda osy aptadaǵy kınopremeralardy nazarlaryńyzǵa usynamyz.
ABAI BOL 8.8⭐
- Uzaqtyǵy: 90 mınýt
- Eli: Qazaqstan, 2026
- Rejısseri: Abdýsaıd Shaıhıslamuly
Jaýapsyz, alaıaqtyqpen kún kórgen Jaqsylyq jol apatyna ushyrap, jany eki álemniń arasynda qalady. Endi onyń ótken qatelikterin túzep, ómirge qaıta oralý úshin bar bolǵany 24 saǵaty bar. Ýaqytpen jarysqa túsken keıipker úshin bul sońǵy múmkindik.
QUM KAPITANDARY (Kapıtany peska) 5.5⭐
- Uzaqtyǵy: 120 mınýt
- Eli: Brazılııa–AQSh
- Roman jelisi – 1937 jyl, ekranızatsııalary – 1971 jáne 2011
Jorjı Amadýdyń ataqty «Qum kapıtandary» romany alǵash jaryq kórgen sátten bastap úlken rezonans týdyrdy. Ekranda jaryq kórgen keıingi nusqalary da kórermen yqylasyna ıe boldy. Fılm taǵdyr tálkegine túsken jetim balalardyń ómirin sýretteı otyryp, ádiletsiz qoǵamnyń aşy shyndyǵyn kórsetedi. Ýaqyt synynan ótken bul oqıǵa búgingi kórermenge qalaı áser etpek?
AFTER THE SNOWFALL 10.0⭐
- Uzaqtyǵy: 95 mınýt
Bul týyndy – shańǵy sportynyń shynaıy bolmysyn kórsetetin derekti joba. Fılmde álemniń úzdik raıderleri men qarapaıym áýesqoılar qarly shyńdardy baǵyndyryp, táýekelge baryp, jeńis pen jeńilistiń dámin tatady. Japonııanyń mamyq qarynan bastap Kalıfornııadaǵy «skımıngke» deıingi kórinister arqyly shańǵy sportynyń ómir saltyna aınalǵan fılosofııasy beınelenedi.
SALTAN PATShA TÝRALY ERTEGІ (Skazka o tsare Saltane) 4.9⭐
- Eli: Reseı, 2025
- Rejısseri: Sarık Andreasıan
Qarapaıym otbasydan shyqqan arýǵa ǵashyq bolǵan Saltan patsha ony bir keshte jar etip alady. Alaıda qyzǵanyshqa býlyqqan ápkeleri jas patshaıymǵa qarsy qastandyq uıymdastyrady. Jalǵan hattyń kesirinen ana men sábıdi teńizge tastaıdy. Bul – zulymdyq pen adaldyq, taǵdyr men úmit jaıly klassıkalyq erteginiń jańa nusqasy.
TEMІR (Jelezo) 5.5⭐
- Eli: Qazaqstan, 2026
- Rejısseri: ıÝlıan Savıtskıı
Birneshe jyl túrmede otyryp shyqqan Vladıslav týǵan qalasyna oralady. Biraq qala qylmys pen zańsyz jekpe-jekterdiń toryna shyrmalǵan. Qylmys áleminiń kósemi Baha Chernyı ony qaıtadan kóleńkeli bızneske tartýǵa tyrysady. Alaıda keıipker bul joly óz erejesimen oınaýǵa bel býady. Onyń maqsaty – qylmystyq júıeni ishinen kúıretý.
RAVIOLI OLI 5.5⭐
- Uzaqtyǵy: 90 mınýt
- Eli: Reseı, 2025
- Rejısseri: Andreı Nıkıforov
Tanymal juldyz Olga Býzova súıiktisiniń bıznesine qarjy quıyp, táýekelge barady. Alaıda qate tańdaý jasap, alıaqtyń qurbany bolǵanyn kesh túsinedi. Endi ol shaǵyn qalaǵa baryp, joǵaltqan qarajatynyń bir bóligin qaıtarýy kerek. Fılm – mahabbat, aldaý jáne óz bolmysyńdy qaıta tabý týraly oqıǵa.
BUSINESSWOMAN FOREVER 2.2⭐
- Uzaqtyǵy: 80 mınýt
- Eli: Qazaqstan, 2024
- Rejısseri: Ermek Shahmet
Eki qurby ortaq bıznes bastap, tabysqa jetýdi armandaıdy. Alaıda mahabbat olardy qarsy tarapqa shyǵaryp, dostyqty synaqqa salady. Qarjy, ambıtsııa jáne jeke sezim arasyndaǵy tartys olardyń ómirin túbegeıli ózgertedi.
QANShER (Ýbıtsa) 6.5⭐
- Uzaqtyǵy: 94 mınýt
- Eli: Ulybrıtanııa, 2023
- Rejısseri: Rodjer Grıffıts
Úsh aǵaıyndy ákesiniń qabirine qaıta oralǵanda, onyń bos ekenin kóredi. Kúdik pen qorqynysh olardy bir-birine qarsy qoıady. Psıhologııalyq trıller baýyrlar arasyndaǵy senim men satqyndyq taqyrybyn ashady.
QOıANǴA QAQPAN (Lovýshka dlıa krolıka) 6.0⭐
- Uzaqtyǵy: 88 mınýt
- Eli: Ulybrıtanııa, AQSh, 2025
- Rejısseri: Brın Cheını
1976 jyl. Dybys jazýmen aınalysatyn erli-zaıypty Ýelstegi shaǵyn aýylǵa keledi. Alaıda túsiniksiz qubylystar men jumbaq jasóspirimniń paıda bolýy olardyń tynyshtyǵyn buzady. Fılm – mıstıkalyq trıller janryndaǵy týyndy.
SULÝ (Krasavıtsa) 5.0⭐
- Eli: Reseı, 2026
- Rejısseri: Anton Bogdanov
1941 jyl. Lenıngrad qorshaýy. Gospıtaldan shyqqan Nıkolaı Svetlov zoobaqqa qyzmetke jiberiledi. Munda qyzmetkerler janýarlardy aman alyp qalý úshin jankeshtilikke barady. Sulý begemotty qorǵaý – olardyń úmit pen adamgershilikti saqtap qalý jolyndaǵy kúresiniń sımvoly.
AŃYZDAR (Legendy) 8.0⭐
- Uzaqtyǵy: 90 mınýt
- Eli: Frantsııa, 2026
- Rejısseri: Gııom Ivernel
Bir kezderi erlikpen eldi qorǵaǵan batyrlar sıqyrdyń saldarynan bala keıpine túsedi. Endi olar qaıta kúsh jınap, tylsym qarǵysty buzýy kerek. Anımatsııalyq týyndy batyrlyq pen dostyq jaıly baıandaıdy.
ÓLІLER ÁLEMІNEN ORALÝ (Vernı menıa ız mertvyh) 4.3⭐
- Uzaqtyǵy: 95 mınýt
- Eli: Italııa, 2025
- Rejısserleri: Alessandro Antonachı, Danıel Laskar, Stefano Mandala
Ákesiniń óliminen keıin Mıa onyń úıine oralady. Kóp uzamaı túsiniksiz qubylystar bastalyp, ol medıým kómegine júginedi. Qorqynyshty drama tylsym álemmen baılanys taqyrybyn qozǵaıdy.
JORANY JUMYSTAN ShYǴARÝ (Ývolıt Jorý) 5.5⭐
- Eli: Reseı, 2026
- Rejısseri: Marıýs Vaısberg
Mansapqor Maksqa IT-kompanııadaǵy basty baǵdarlamashyny jumystan shyǵarý tapsyrmasy beriledi. Alaıda qarapaıym kórinetin Jorany qyzmetinen bosatý ońaı bolmaı shyǵady. Komedııalyq fılm mansap pen adamı qundylyqtar arasyndaǵy tańdaýdy kórsetedi.
Ótken aptadaǵy kınopremeralar tizimin osy jerden kóre alasyzdar.