Osy aptada qandaı mańyzdy jarystar ótetini belgili boldy

ASTANA. KAZINFORM — Týrızm jáne sport mınıstrligi 19–25 mamyr aralyǵynda ótetin jarystar kestesin jarııalady.

19–27 mamyr — Nysana kózdeý jáne stend atýdan jasóspirimder arasyndaǵy Álem kýbogi
Jarysqa el quramasynan 19 sportshy qatysady.
Ótetin orny: Zýl qalasy, Germanııa.

21–22 mamyr — Júzýden Mare Nostrum halyqaralyq týrnıri (2-kezeń)
Bul kezeńde elimizdiń 8 sportshysy baq synaıdy.
Ótetin orny: Barselona qalasy, Ispanııa.

22–25 mamyr — WKF karateden eresekter arasyndaǵy Azııa chempıonaty
Qazaqstan namysyn 16 sportshy qorǵaıdy.
Ótetin orny: Tashkent qalasy, Ózbekstan.

22–27 mamyr — Dzıýdodan ıýnıorlar arasyndaǵy halyqaralyq týrnır
Atalǵan týrnırde elimizdiń 7 palýany beldesedi.
Ótetin orny: Kaýnas qalasy, Lıtva.

23–25 mamyr — Semserlesýden Álem kýbogi
Týrnırde 9 sportshymyz synǵa túsedi.
Ótetin orny: Sen-Mor qalasy, Frantsııa.

24 mamyr — Trıatlonnan Álem kýbogy
Jarys jolyna elimizdiń 5 sportshysy shyǵady.
Ótetin orny: Samarqand qalasy, Ózbekstan.

25–29 mamyr — Dástúrli sadaq atýdan halyqaralyq Fetih Kupası týrnıri
Saıysqa 15 elden 200-den astam sportshy, sonyń ishinde otandyq mergender de qatysady.
Ótetin orny: Ystanbul qalasy, Túrkııa.

Buǵan deıin 4 myńnan asa astanalyq BI qaıyrymdylyq marafonyna qatysqanyn jazǵanbyz.