Osy aptada AQSh grın-karta lotereıasyna tirkelý ashylmaq
ASTANA. KAZINFORM — San-Dıegoda federaldy soty AQSh Memlekettik departamentine 2027 qarjy jylyna arnalǵan grın-karta lotereıasyn (Diversity Visa) qaıta bastaýǵa mindettedi.
Sottyń aldyn ala buıryǵyna sáıkes, AQSh Memlekettik departamenti resmı saıtynda 2027 qarjy jylyna arnalǵan Diversity Visa baǵdarlamasyna tirkelý merzimin 2026 jyldyń 15 qazany kúni shyǵys ýaqyty boıynsha tún ortasyna deıin jarııalaýy tıis.
Habarlandyrýda ótinishterdi qabyldaýdyń bastalý jáne aıaqtalý kúnderi, onlaın ótinish tapsyrýǵa arnalǵan resmı saıt jáne onyń talaptary kórsetilýi tıis.
Sonymen qatar, vedomstvo tirkeýdi 2026 jylǵy 18 qazan kúni shyǵys ýaqyty boıynsha tún ortasyna deıin ashýy tıis. Ótinishter 30 kún ishinde qabyldanady.
AQSh okrýgtik sýdıasy Djınsýk Ohta shyǵarǵan sheshim 55 000 adamǵa Amerıka Qurama Shtattarynda turaqty turýǵa ótinish berý múmkindigin beredi.
Diversity Visa baǵdarlamasyna qarsylyq bildirgen Tramp ákimshiligi 2027 qarjy jylyna arnalǵan grın-karta lotereıasyna tirkeýdi ashpaı kelgen bolatyn. Keıinirek úkimet sotta tirkeýdiń kesh bastalýy baǵdarlamanyń ýaqytyn retteıtin erejelerdi buzady dep málimdegen.
Sol kezde sotqa AQSh Memlekettik departamentiniń áreketsizdigine shaǵymdanyp Kalıfornııadaǵy Red Eagle Law ımmıgratsııalyq zań fırmasy júgingen bolatyn.
Eske sala keteıik, Microsoft kompanııasy jasyl karta baǵdarlamasynan shyǵaryldy.
AQSh-ta grın-kartaǵa ótinish berý tártibi ózgeredi.
