Oshta jol-patrýldik mılıtsııa qyzmetkerleri urlanǵan adamdy qutqardy
ASTANA. QazAqparat - Osh qalasynyń ІІB jol-patrýldik mılıtsııa qyzmetkerleri (JPM) urlanǵan adamdy bosatty. Bul týraly KırTAG Osh qalasy men Osh oblysy boıynsha RQ ІІM bas basqarmasynyń baspasóz qyzmetine silteme jasap habarlady.
«10 tamyzda Osh qalasynyń ІІB jol-patrýldik mılıtsııasy qyzmetkerleri A. Mamyrov jáne Kurmanjan Datqa kósheleriniń qıylysynda R.Ábdiqadyrova kóshesi boıynsha qatty jyldamdyqpen kele jatqan Opel Vectra kóligin baıqaǵan. Kólikti toqtatpaq bolǵanda júrgizýshi jyldamdyqty qosa tústi», - dedi mılıtsııada.
Kólik ótip bara jatqanda mılıtsııa qyzmetkeri Shumqarbek Oraıymov kóliktiń júk salatyn bóliminen shyǵyp turǵan adamnyń aıaq kıimin kórip qalǵan.
«Tártip saqshylary kóliktiń izine tústi. I. Monýev jáne ıÝ.Gagarın kósheleriniń qıylysynda qutyla almaıtyn bolǵan soń kólik toqtap, odan shyqqan tórt jolaýshy tura qashqan. Alaıda olardyń ekeýi qolǵa tústi (19 jastaǵy jigitter). Kóliktiń júk salǵyshynda moınynan jaraqattanǵan mashına ıesi jatqan», - dedi ІІB.
Oqys oqıǵa boıynsha qylmystyq is qozǵaldy. Tergeý amaldary men ózge kúdiktilerdi ustaý boıynsha jedel-izdestirý sharalary júrgizilip jatyr.
