Oshta ÚEU ókilderi shıelenisten keıingi jaǵdaıdan shyǵý joldaryn talqyǵa saldy
BІShKEK, 19 qarasha. QazAqparat /Arnur Rahymbekov/ - Qyrǵyzstandyq jáne halyqaralyq uıymdardyń ókilderi Osh qalasynda shıelenisten keıingi aımaqtyń uzaq merzimdi damýyn talqylaýda.
Juma kúni Osh qalasynda dóńgelek ústel otyrysy bastaldy, onda jergilikti kommertsııalyq emes jáne halyqaralyq uıymdar maýsym oqıǵalarynan zardap shekken aımaqtyń uzaq merzimdi damýyna qoldaý kórsetý úshin áleýetti arttyrý máselelerin talqylaýda.
«DCCA-Osh» qoǵamdyq qorynyń jetekshisi Ikbol Bahramovanyń aıtýynsha, jergilikti kommertsııalyq emes uıymdardyń, halyqaralyq uıymdar men donorlyq agenttikterdiń kezdesýi qazirgi jaǵdaıdy saraptap, jartyjyldyq gýmanıtarlyq kómekti kórsetýshiler kezdestirgen problemalardy anyqtaýǵa múmkindik berip, sonymen qatar azamattyq qoǵam ókilderiniń týyndap jatqan problemalarǵa der kezinde birlese ún qatýyna áser etedi.
