Oshta egiz stýdentter festıvali ótedi
ASTANA. QazAqparat - 17 qarashada Osh qalasynda egizder festıvali ótedi. Bul týraly sársenbi kúni KırTAG agenttigine Osh memlekettik ýnıversıtetindegi tárbıe berý departamentiniń dırektory Zamır Bojonov habarlady.
«Jyl saıyn Stýdentter kúni qarsańynda túrli sharalar uıymdastyramyz. Bıyl egizder festıvalin ótkizýdi sheshtik. Olar óz ónerlerin kórsetedi. Mýzykalyq baıqaýlar jáne bilim saıystary uıymdastyrylady», - dep habarlady Bojonov.
Ol osyndaı sharalar ýnıversıtettegi dostyq jaǵdaıdyń qalyptasýyna septigin tıgizip, stýdentterge bir-birin tanýǵa, dostasýǵa kómektesedi.
Qazirgi kezde Osh MÝ-de 20-dan astam jup egizder bilim alyp jatyr.
