Osh oblysynda túıneme juqtyrdy degen kúdikpen 12 adam aýrýhanaǵa jatqyzyldy
BІShKEK. QazAqparat - Osh oblysynyń Qaraqulja aýdanynda túıneme aýrýyn juqtyrdy degen kúdikpen 12 adam aýrýhanaǵa jatqyzyldy. Bul týraly «Kabar» agenttigi Qyrǵyz Respýblıkasynyń Densaýlyq saqtaý mınıstrligine silteme jasap habarlaıdy.
Olardan synamalar alynǵan, biraq túınemeniń bar-joǵy áli rastalǵan joq.
«Taldaý nátıjeleri birneshe kúnnen keıin belgili bolady. Aýrýhanaǵa jatqyzylǵan 12 adamǵa aldyn alý em-domy jasalyp jatyr», - dep málimdedi mınıstrliktiń baspasóz qyzmeti.
Aldyn ala málimetterge qaraǵanda, aýrýhanaǵa jatqyzylǵandardyń bári Sibir jarasymen aýyrǵan maldy soıyp, artynsha bóliske salǵan.
