Osh oblysynda taý betkeıinde taǵy 4 myń tekshe metr kóshkin júrdi (FOTO, VIDEO)
ASTANA. QazAqparat - Qyrǵyzstandaǵy Osh oblysy Qarasý aýdanynda bir táýlikte eki ret kóshkin júrdi. Bul týraly jumada QR TJM baspasóz qyzmeti málim etti dep habarlady KırTAG.
«Búgin saǵat 13-30-da Qarasý aýdany Papat aýyldyq okrýgi aýmaǵynda taý betkeıiniń soltústik-batys jaǵynan Belqapshal ýchaskesinde kólemi 4 tekshe metr kóshkin júrdi. Qyzyl tý aýylynan 250-300 metr jerde laı kóshkini júrdi. Zardap shekkender joq», - dep habarlady vedomstvodan.
Budan buryn Qarasý aýdany Qyzyl tý aýylynda 20 mamyrda saǵat 05:00-de Belkapshal ýchaskesinde kóshkin júrgeni habarlanǵan. Aldyn ala derekter boıynsha kóshkin eni 50 metr, uzyndyǵy - 80 metr, qalyńdyǵy - 8 metr, kólemi 32 myń tekshe metrge jýyqty quraǵan.
