Osh oblysyna qarasty Nookat aýdanyndaǵy jaǵdaı baqylaýda - Qyrǵyzstannyń quqyq qorǵaý organdary
BІShKEK. 1 naýryz. QazAqparat /Arnur Rahymbekov/ - Qyrǵyzstannyń quqyq qorǵaý organdary Osh oblysyna qarasty Nookat aýdanyndaǵy jaǵdaıdy turaqtandyra aldy,
ol jerde jergilikti salyq qyzmetkeriniń ólimin tergeýdi talap etken bir top adamdar boı kótergen edi.
Kúnniń birinshi jartysynda Nookat aýdanynda jergilikti salyq ınspektsııasynyń bastyǵy Saǵynbek Álimbaevty óltirgen adamdy tabýdy talap etip qyrǵyz ultynyń adamdary mıtıng uıymdastyrǵan edi.
Qazirgi tańda aýdan ortalyǵyndaǵy jaǵdaı tynyshtalǵan. Qyrǵyzstannyń ІІM basshysy Z.Rysálıev ultaralyq qaqtyǵystar Osh qalasyna kóshti degen aqparatty joqqa shyǵardy. «Osh qalasynda bári tynysh, qala bazary jumys istep tur», - dedi mınıstr.
