Osh qalasynyń ortalyǵynda 60 jastaǵy er adam ózin-ózi órtep jiberdi
ASTANA. 17 sáýir. QazAqparat - Osh oblysy, Alaı aýdanynyń týmasy, 60 jastaǵy er adam 15 sáýirde Osh qalasynyń ortalyq alańynda ózin-ózi órtep jiberdi.
«Interfaks-Kazahstan» habarlaǵandaı, kýálardyń aıtýynsha, Almaty ýaqytymen saǵat 18:40 shamasynda er adam ústine janarmaı quıyp, myna sózderdi aıtqan: «Men qazirgi prezıdent Almazbek Atanbaevtyń, premer-mınıstr Ómirbek Babanovtyń, sondaı-aq oppozıtsııa kóshbasshylarynyń biri Adahan Madýmarovtyń saıasatyna rızamyn». Shamamen saǵat 19:00-de ol Osh qalalyq aýrýhanasyna jetkizildi, biraq dárigerlerdiń ony aman alyp qalý úshin qoldan kelgenniń bárin istegenine qaramastan, 22:00 shamasynda qaıtys boldy. Dárigerlerdiń málimdemesine qaraǵanda, er adamnyń denesiniń 95 paıyzyn kúıik shalǵan jáne bundaı jaǵdaıda tiri qalý múmkin emes edi.
Aıta keteıik, ol psıhıatrııalyq aýrýlarmen aýyratyndardyń esebinde tirkelmegen. Bolǵan oqıǵanyń jaı-japsary anyqtalyp jatyr.
