Osh qalasynda Qazaqstan qarjysyna salynǵan jańa mektep ashyldy
BІShKEK. QazAqparat - Búgin Osh qalasynda Qazaqstan qarjysyna salynǵan jańa mektep-lıtseıdiń saltanatty ashylý rásimi ótti. Ashylý rásimine Qyrǵyzstannyń Premer-Mınıstri Sooronbaı Jeenbekov, qala meri Aıtmamat Kadyrbaev, Qyrǵyzstandaǵy Qazaqstan Elshiliginiń keńesshisi Ǵalı Shaımaqov qatysty.
«Jańa zamanaýı mektep QR Prezıdenti Nursultan Nazarbaevtyń bastamasymen salyndy. Onyń qurylysyna Qazaqstan 500 mıllıon teńge bóldi. Mektep 550 oqýshyny qabyldaı alady jáne naqty ǵylymdarǵa beıimdelgen eksperımenttik baǵdarlama boıynsha jumys isteıtin bolady. Bilim berý qyrǵyz jáne orys tilderinde júrgiziledi», - dep habarlady mektep dırektory Kyıalbek Akmatov «QazAqparat» tilshisine.
«Mektepte testileýden ótken úzdik oqýshylar ǵana oqıtyn bolady. Bilim berý hımııa, bıologııa, matematıka, ınformatıka jáne aǵylshyn tili pánderin tereń oqytatyn eksperımenttik baǵdarlama boıynsha júzege asady», - dedi K.Akmatov.
Aıta keteıik, 2010 jyly Osh, Jalal-Abad jáne Osh oblysynyń aýdany zardap shekken oqıǵadan keıin Qazaqstan Prezıdenti jańa mektep qurylysyna qarajat bóldi. 
