Osh qalasy men Osh oblysynda 63 myń adam jer telimderin surap otyr
BІShKEK. 27 qańtar. QazAqparat /Arnur Rahymbekov/ - Qyrǵyzstannyń Osh qalasy men Osh oblysynan jer telimderin surap otyrǵan ótinish berýshilerdiń sany 63 myń adamdy qurap otyr.
«Dırektsııanyń 2010 jyly atqarǵan jumystary men 2011 jylǵa arnalǵan josparlary týraly» Osh qalasynda ótken qoǵamdyq tyńdaýda bul týraly Osh jáne Jalalabad qalalaryn qalpyna keltirý jáne damytý jónindegi memlekettik dırektsııanyń bas dırektory Jantoro Satybaldıev málim etti.
J.Satybaldıevtiń aıtýynsha, 63 myń adamnyń 50 myńy - Osh oblysynyń, 13 myńy - Osh qalasynyń turǵyndary. «Olardyń talaptaryn qanaǵattandyrý úshin 5 myń gektar jerdi ıgerý kerek. Bul problemany sheshý úshin qazir biz Osh qalasynyń tóńiregindegi birneshe massıvti ıgerý máselesin qarastyryp jatyrmyz», - dedi ol.
Qyrǵyz Úkimetiniń 2011 jylǵy 10 qańtardaǵy ókimimen J.Satybaldıev sondaı-aq Osh oblysynyń Qara sý aýdanyndaǵy aýyl sharýashylyǵy maqsatyndaǵy jer telimderiniń kúshpen basyp alynýyna baılanysty qalyptasqan jaǵdaıdy zertteý jónindegi vedomstvoaralyq komıssııanyń tóraǵasy bolyp tabylady.
