Osh qalasy qysqa daıyndalýda
BІShKEK. Qyrkúıektiń 23-i. QazAqparat /Arnur Rahymbekov/ - Qyrǵyz Respýblıkasy Prezıdenti Ákimshiliginiń Aqparattyq-úılestirý ortalyǵynyń Osh fılıalynda búgin Osh AES-niń bastyǵy Nurlan Sadyqovtyń baspasóz máslıhaty ótti.
Osh turǵyndaryn ýaqtyly energııa qýatymen qamtamasyz etý máselesine arnalǵan bul máslıhatta málim etilgendeı, elektr-jylý júıelerindegi jóndeý-qalpyna keltirý jumystary búgingi tańda 85 paıyzǵa oryndalyp otyr. Energetıkterdiń aǵymdaǵy jóndeý jumystaryn ýaqtyly aıaqtaýlaryna jáne qysqy jylý maýsymyna jappaı daıyndalýlaryna barlyq múmkindikteri bar.
N.Sadyqov sondaı-aq, qysta Osh qalasynda jaryqtyń kezekpen sóndirilmeıtinin de atap ótti. Sebebi Toqtaǵul sý qoımasynda jınalǵan sýdyń qory halyqtyń muqtajdyǵyn qanaǵattandyra alatyn jetkilikti elektr qýatyn óndirýge múmkindik beredi. Biraq ta, jelilerdiń 40 paıyzynyń tehnıkalyq turǵydan ábden eskirýine baılanysty, jaryqtyń sónýi múmkin ekenin joqqa shyǵarmady.
