Osh 2019 jyly túrki áleminiń mádenı astanasy bolyp jarııalandy
Mundaı sheshim Túrkııanyń Kastamon qalasynda ótken TÚRKSOI elderi mádenıet mınıstrleri turaqty keńesiniń 36-shy otyrysynda qabyldandy. Túrkııa mádenıet jáne týrızm mınıstri Mehmet Nýrı Ersoı TÚRKSOI elderi mádenıet mınıstrleri turaqty keńesiniń kezekti otyrysynyń Osh qalasynda ótetinin habarlady.
TÚRKSOI bas hatshysy Dúısen Qaseıinov uıymnyń atqaryp otyrǵan jalpy jumystary týraly aıtty.
«TÚRKSOI-dyń 25 jyldyq qyzmeti nátıjesinde mádenıet jáne óner salasyndaǵy kóptegen aýqymdy jobalar men is-sharalar bizdiń uıymnyń atymen assotsıatsııalana bastady. Uıymǵa múshe-elderi mádenıet mınıstrleri turaqty keńesiniń 36 otyrysy ótti. Sýretshilerdiń, fotosýretshilerdiń, ádebıetshilerdiń, ártisterdiń, kompozıtorlardyń jáne basqa da óner ıeleriniń dástúrli kezdesýleri belsendi túrde ótkizilip keledi», - dedi Dúısen Qaseıinov.
Otyrys qatysýshylary kún tártibindegi máselelerdi talqylap, sonyń aıasynda túrki áleminiń 2019 jylǵy jańa mádenı astanasy anyqtaldy.
Eske salsaq, Túrkııanyń Kastamoný qalasynyń 2018 jylǵy Túrki dúnıesiniń mádenı astanasy bolyp jarııalanýyna baılanysty saltanatty shara ótkeni týraly jazǵan bolatynbyz.
