Osal toptaǵy jastardy qoǵamǵa qaıta beıimdeý mańyzdy - Oljas Soǵymbaı

SEMEI. QazAqparat - Semeı qalasynyń jastar resýrstyq ortalyǵynyń dırektory Oljas Soǵymbaı Jastar jylyna qatysty pikir bildirdi, dep habarlaıdy QazAqparat tilshisi.

Oljas Soǵymbaıdyń aıtýynsha, Jastar jyly jańa múmkindikter jyly dep aıtýǵa tolyq negiz bar. Óıtkeni jastardyń bıylǵy zor múmkindikterdi paıdalanyp, jańa jetistikterge qol jetkizýge múmkindikteri bar.

«Menińshe, kez-kelgen problemalyq máseleni sheshý úshin, ol máseleni naqty problema týdyratyn másele dep moıyndaýymyz kerek. Óńirdegi 85 myń jastyń arasynda túrli áleýmettik problemalar kezdesedi. Bizdiń mindet, osy osal toptaǵy jastardy qoǵamǵa qaıta beıimdeý. Bul mańyzdy dep bilemiz. Búginde «Jastar tájirbıesi», «Dıplommen aýylǵa», «Bıznestiń jol kartasy 2020», «7-20-25» memlekettik baǵdarlamalardy jastar arasynda keńinen nasıhattap jatyrmyz. Sondaı-aq, Elbasy usynǵan «Jas sarbaz» eriktiler jobasy aıasynda da tıisti jumystar jasalýda»,-dedi Oljas Soǵymbaı.

Sonymen qatar, ol Semeı qalasy boıynsha naýqandyq aktsııalardy meılinshe azaıtyp, tıisinshe jastardyń áleýmettik máseleleriniń oń sheshimin tabýy úshin jumys jasaıtyndaryn aıtty.

Aıta keteıik, búginde Semeı qalasy boıynsha 85 myń jas azamattar tirkelgen.