Orystildi «Vıkıpedııa» jumysyn toqtatty
ASTANA. 10 shilde. QazAqparat - «Vıkıpedııa» ǵalamtor-entsıklopedııasy búgin Máskeý ýaqyty boıynsha túngi saǵat 1.30-da RF Úkimetiniń Rýnetke ǵalamtor-tsenzýra qoıý áreketine qarsylyq retinde jumysyn toqtatty.
Másele tyıym salynǵan aqparaty bar saıttardyń biryńǵaı reestrin qurýdy qarastyratyn «Aqparat týraly» zańǵa túzetýler engizýden shyǵyp otyr. Zań jobasy bıliktiń Rýnette aqparattyń erkin taralýyna shekteý qoıý áreketin baıqaǵan orystildi «Vıkıpedııa» qyzmetkerleriniń qarsylyǵyn týdyrdy.
«Vıkıpedııalyqtar» táýlik boıy narazylyq kórsetýdi josparlaýda. Olar «Aqparat týraly» zańǵa túzetýler engizý Reseı úshin keri áser etýi múmkin dep esepteıdi. Soǵan sáıkes, keıbir maqalalardyń, mysaly, «Ózin-ózi óltirý» nemese «Kalıı permanganaty» syndy jarııalanymdardyń saıası jaǵynan durys emes bolýyna oraı «Vıkıpedııaǵa» kirý shekteledi.
Aıta keteıik, «Vıkıpedııanyń» mobıldi nusqasy jumysyn jalǵastyrýda, dep habarlaıdy Eýrazııa birinshi arnasy Lenta.ru -ǵa silteme jasap.
