Oryssha bilmegen soń mýzykalyq ýchılışedegi oqýymdy tastap kettim – Ulyqpan Joldasov

ASTANA. QazAqparat – Jibek Joly telearnasynyń «Tórletińiz» baǵdarlamasynda qonaqta bolǵan belgili ánshi, kompozıtor Ulyqpan Joldasov mýzykalyq ýchılışeden nelikten shyǵyp ketkenin aıtty, dep habarlaıdy QazAqparat tilshisi.

Habar barysynda tanymal ánshi Jeńis Seıdollauly Ulyqpan Joldasovpen tanystyǵy qalaı bastalǵanyn aıta kele, qyzyq oqıǵany tilge tıek etti.

«Osy oraıda eshkim estimegen bir oqıǵany aıtyp bereıin. 1980-shy jyldary Shymkent mýzyka ýchılışesinde oqyp júrdim. Keıin osy oqý ornyna Ulyqpan tústi. Endi bir 6 aıdan keıin qarasam, Ulyqpan joq. Sosyn balalardan «Ulyqpan qaıda?» dep suraımyn. «Ol ketip qalǵan, ýchılışede joq» dedi. Arada jyldar ótip, keıin Ulyqpanmen bir kezdeskende «sen osy nege oqýdan ketip qaldyń?» dep suradym. Ol «Shynymdy aıtsam, oryssha úırene almaı qoıdym» deıdi», - dep sol jyldardaǵy qyzyqty oqıǵany esine aldy ánshi, kompozıtor Jeńis Seıdollauly.

Stýdııada qonaqta bolǵan Ulyqpan Joldasovtyń ózi de mundaı oqıǵanyń bolǵanyn rastady.

«Oryssha bilmeı, oqý ornyn tastap ketkenim ras», - dedi Ulyqpan Joldasov.

Jalpy, baǵdarlama otandyq belgili kompozıtorlardyń shyǵarmashylyǵyna arnaldy.

Óner ıeleri qazaq mýzykasyn álemdik deńgeıge kóterý tóńiregindegi oılaryn ortaǵa salyp, pikir bildirdi.