Orys tildi balalardyń qazaqshany tezirek meńgerýine basa mán beriledi - Saǵadıev
ASTANA. QazAqparat - Orys tilindegi balalardyń qazaq tilin tezirek meńgerýine basa mán beriledi. Bul týraly esepti kezdesýde QR Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
«Jańa ádistemeler turǵysynda qazaq tiline toqtalsaq, qazirgi ýaqytta jaǵdaıymyz jaman emes, ıaǵnı 90 protsent qazaq balalary memlekettik tilde oqyp jatyr. Bıyl Ulttyq biryńǵaı testileýge kelgen balalardyń 80 paıyzy qazaq tilinde tapsyrady. Bul bolmaǵan jaǵdaı. Mysaly, men oqyǵan ýaqytta Almatyda 65 mekteptiń ishinde tek bireýi qazaqsha oqytqan. Árıne, sol balalar orys tilinde bitirip, qazir jumys istep jatyr. Alaıda bolashaǵymyz qalaı balatynyn bilgilerińiz kelse, qazirgi ýaqytta mektepke baryp baıqaýǵa bolady. 10-15 jylda osy balalar mektepti támamdap, jumysqa kirisken kezde barlyǵy retimen qazaqsha júredi»,-dedi mınıstr.
Budan bólek Saǵadıev orys tilindegi mektepterde oqyp júrgen balalardyń jaǵdaıyna toqtaldy.
«Qazirgi ýaqytta basa nazar aýdaratyn problemalardyń birine toqtalsaq, orys mektepterinde oqıtyn 500 myńǵa jýyq bala qazaq tilinde 11 jyl oqysa da, sóılemeıdi. Olardy sol ýaqytqa durystap daıyndaý kerek. Ádisteme nashar ekenin barlyǵymyz túsinip otyrmyz. Jańa deńgeıdegi ǵylymı negizde jasalǵan ádisteme daıyn. Ony qanatqaqty joba retinde mektepterge taratamyz. Bizdiń maqsatymyz - balardyń qazaq tilin tezirek meńgerýine mán berý»,-dedi vedomstvo basshysy.
