«Orys radıosy» Gınnes rekordyn ornatty
ASTANA. QazAqparat - «Orys radıosynyń» radıoefır komandasy Gınnes rekordyn ornatty. «Rýsskıe pertsy» baǵdarlamasynyń úsh júrgizýshisi efırde 60 saǵat boıy uıyqtamastan, úzilissiz habar júrgizgen, dep habarlady Lenta.rý.
Radıomarafondy baqylaǵan Gınnes kitabynyń ókili rekordty tirkep, radıostansa komandasyna tıisti sertıfıkat berdi. Bul týraly «Rýsskaıa medıagrýppa» baspasóz qyzmetiniń ókili Anna Týrchenkova málim etken.
1 sáýir kúnitańǵy saǵat 7-de bastalǵan habar 3 sáýir kúni máskeý ýaqytymen saǵat 19:00-da aıaqtalǵan. Ony Vadım Voronov, Alısa Selezneva jáne Dmıtrıı Olenın júrgizgen.
Marafon kezinde stýdııada Fılıpp Kırkorov, Valerııa men Iosıf Prıgojın, Igor Matvıenko, Anastasııa Volochkova, Andreı Malahov, Valerıı Meladze jáne basqa da ataqty adamdar bolǵan.
Bıylǵy marafon «Orys radıosynyń» 20 jyldyq mereıtoıyna oraılastyrylǵan. Radıostansa alǵash ret 1995 jyly 2 tamyzda efırge shyqqan bolatyn.
