Orys Pravoslav Shirkeýiniń basshysy Máskeý jáne Búkil Reseı Patrıarhy Kırıll elordalyq pravoslav dinine qulshylyq etýshilerdiń aldynda sóz sóıleıdi

Bul týraly búgin Qazaqstan Respýblıkasy mıtropolııa okrýginiń basshysy, Astana jáne Qazaqstan mıtropolıti Aleksandr málim etti.

Esterińizge sala keteıik, 29-30 mamyr kúnderi Qazaqstan Respýblıkasy Prezıdenti N.Á. Nazarbaevtyń shaqyrtýymen Astanaǵa ekinshi márte saparlaıtyn Patrıarh Kırıll  IV Álemdik jáne dástúrli dinder kóshbasshylarynyń sezine qatysady.

29 mamyr kúni Aqordada Máskeý jáne Búkil Reseı Patrıarhy Kırılldi Qazaqstan Respýblıkasy Prezıdenti Nursultan Ábishuly Nazarbaev qabyldaıdy dep josparlanýda. Al osy kúni saǵat 17:00-de Patrıarh Kırıll Astananyń Ýspen kafedraldy soboryna barady. Qazaqstannyń basty pravoslav soborynda ol Jetisý óńiriniń qorǵaýshylary bolyp esepteletin jańa Qazaqstandyq áýlıe azap shegýshiler Serafım men Feognost súıekteriniń aldynda qudaıǵa qulshylyq etip, jańa ıkonostasqa qatysty rásim júrgizedi.

«Biz Patrıarhty 17-00-de kútemiz. 16-00-de jınalýlaryńyzdy ótinemin, shamamen 18-30-da Patrıarh halyq aldyna shyǵyp, osy sátte jınalǵandarǵa sóz arnaıdy», - deıdi mıtropolıt Aleksandr.

Sondaı-aq onyń atap ótýinshe, qudaıǵa qulshylyq etý rásimi aıaqtalǵan soń Patrıarh Kırıll Astananyń Ýspen kafedraldy soborynyń janyndaǵy Qazaqstan Pravoslav Shirkeýi Sınodynyń jańadan salynǵan ǵımaraty men Kırıll men Mefodıı atyndaǵy dinı-mádenı-aǵartý ortalyǵynda saltanatty rásim júrgizedi.

Sınod ǵımaraty men dinı-mádenı-aǵartý ortalyǵyndaǵy rásim aıaqtalǵan soń, Patrıarh Kırıll estý qabiletin joǵaltqan balalarǵa kohlearlyq ımplantant qoıý boıynsha ota jasaýǵa sertıfıkattar tabystaıdy.