Orys oqýshylarynyń namazy jurtty qaıran qaldyrdy
ASTANA. QazAqparat - Máskeý qalasyndaǵy mektepterdiń birinde oqıtyn bir top oqýshy jaqynda ǵana jamaǵatqa esigin aıqara ashqan Ortalyq meshitke kelip, saıahat jasap qaıtty. Ǵalamtor jelisine júktelgen vıdeoda olardyń synyptastaryna eliktep, namaz oqyǵany kórsetilgen. Áleýmettik jeli qoldanýshylary arasynda vıdeo tez arada tanymaldyqqa ıe bolyp úlgergen.
Feısbýk jelisiniń qoldanýshy Anvar Omarov esimdi azamat vıdeodaǵy namaz oqyp turǵan oqýshynyń uly Davýd ekenin jazǵan. Besin namazyna tap kelgen Davýd meshitte namaz oqýǵa nıet etedi. Al synyptastary bolsa, onyń sońynan sap túzep, kórgenderin qaıtalaı bastaıdy. Oqýshylardy vıdeoǵa synyp jetekshileri túsirip alǵan, dep jazady muslim.kz.
