Orys mektepterinde qazaq balalarynyń 30 paıyzy oqıdy - Tilderdi damytý basqarmasy
ASTANA. 28 tamyz. QazAqparat - Búginde respýblıkadaǵy orys mektepterinde qazaq balalarynyń 30 paıyzy oqıdy. Bul týraly Astanada ótken arnaıy baspasóz máslıhatynda Astana qalasy Tilderdi damytý basqarmasynyń bastyǵy Erbol Tileshov málim etti.
«Shyny kerek, orys mektepterinde áli kúnge deıin bizdiń kóptegen qazaq balalarymyz oqyp júr. Qazaqstan boıynsha olardyń sany 30 paıyzdy, naqty aıtsaq, 304 myń balany qurap otyr», - dep atap kórsetti E.Tileshov. Osyǵan oraı, bıyl Qazaqstan halqy tilderiniń XV festıvali aıasynda orys synyptarynda oqıtyn qazaq balalary arasynda qalalyq til olımpıadasyn ótkizý uıǵaryldy. Atalǵan shara 11-12 qyrkúıek kúnderi Astanadaǵy №56 mektepte ótedi.
