Orys qyzy qytaı jigitin qutqaryp qaldy
ASTANA. QazAqparat - Qytaıdyń Tsındao qalasynda reseılik saıahatshy qyz sýǵa batyp bara jatqan qytaı azamatyn qutqaryp qaldy, dep habarlady «Sınhýa» agenttigi.
Bul oqıǵa Sary teńiz jaǵalaýyndaǵy Tsındao kýrort aımaǵynda bolǵan. Mýrmanskiden kelgen 29 jastaǵy Jenıa teńizde shomylyp júrgeninde ózinen 20 metrdeı qashyqta bir adamnyń sýǵa batyp bara jatqanyn baıqaıdy. Oılanbastan kómekke umtylǵan ol qytaı jigitin qutqaryp qalǵan.
Qytaı BAQ-tarynyń habarlaýynsha, Reseı azamatshasy osy oqıǵadan soń otanyna qaıtyp ketken. Al ajaldan aman qalǵan jigittiń týǵan-týystary men dostary oǵan alǵys hattar men syı-sııapattaryn joldaýdy toqtatar emes.
