"Orys qysy" halyqaralyq týrnırinde qazaqstandyq voleıbolshylar 1/8 fınalǵa deıin jetti
ALMATY. 28 aqpan. QazAqparat /Erlik Erjanuly/ - 24-27 aqpanda Reseıdiń Anapa qalasynda jaǵajaı voleıbolynan jabyq keshendegi "satellıt" synybyndaǵy "Orys qysy" halyqaralyq týrnıri ótti.
Onda jerlesterimiz Tatıana Mashkova pen Irına Tsımbalova negizgi syndaǵy alǵashqy oıynda jarys qojaıyndarynan Stepanova-Demırchova jubyn 2:0 (21:18, 21:19) esebimen jeńgen bolatyn. Ekinshi oıynda reseılik Homıakova-Moıseeva jubyna dál osyndaı eseppen (21:19, 21:15) ese jiberdi. Odan keıin olar avstrııalyq T.Tsrnko men S. Tsrnkony (21:8, 21:7) oısyrata jeńip, 1/8 fınalda jarys qojaıyndarymen qaıta kezdesti. Bul joly qazaqstandyq sportshylardyń jolyn keıin týrnır jeńimpazy atanǵan Anastasııa Vasına men Anna Vozakova (21:17, 21:14) kesti.
Bul dodada erler arasyndaǵy saıysta da qazaqstandyq Dmıtrıı ıAkovlev pen Alekseı Kýleshovtiń jolyna jarys qojaıyndary kese-kóldeneń turdy. Olardy aldymen Belov-Daıanov (21:15, 21:13) odan keıin Prokopev-Semenov juby (21:12, 21:11) súrindirdi.
