Orys qoǵamy memlekettik tildi damytýǵa bólingen qarajatty tekserýdi surady - QHA

ASTANA. QazAqparat - Qazaqstannyń orys, kazak pen slavıan uıymdary úılestirý keńesiniń tóraǵasy, orystar qoǵamynyń basshysy ıÝrıı Zaxarov memlekettik tildi meńgerýge bólingen bıýdjet qarjysynyń tıimdiligin tekserýdi surady, dep xabarlaıdy QazAqparat tilshisi. 

«Qazaqstanda memlekettik tildi oqytý sharalaryna ondaǵan mıllıard teńge bólingen bolatyn. Búginde bul problemany sheshý jolynda áli de biraz jumys jasaý qajet. Osy oraıda aıta keter jáıt - osy ýaqytqa deıin úılestirý keńesine memlekettik tildi meńgerýge birde-bir tıyn bólinbedi. Sondyqtan osy sharaǵa bólingen bıýdjet qarajatynyń revızııasyn jasaýdy usynamyn. Bálkim, oǵan Qazaqstan xalqy Assambleıasy, depýtattar atsalysady. Ol aqsha qaıda ketti? Qandaı sharalarǵa jumsaldy? Osyny tekserý kerek», - dedi Zaxarov Qazaqstan xalqy Assambleıasynyń keńeıtilgen otyrysynda.

Osy usynysyn ol otyrysqa qatysqan QR Memlekettik qyzmet isteri men sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekpaevqa jetkizdi.

Aıta keteıik, Zaxarov búgingi basqosýda SQO eks-ákimi Sultanovtyń uıymdasqan qylmystyq toppen baılanysy bar-joǵyn tekserýdi de suraǵan bolatyn.

Sonymen qatar, otyrys barysynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi men Qazaqstan xalqy Assambleıasy arasynda sybaılas jemqorlyqqa qarsy mádenıetti qalyptastyrýdy kózdeıtin memorandýmǵa qol qoıylyp, birlesken is-sharalar jospary bekitildi.