Orynsyz syılyq jasaǵan atyraýlyq jarty mıllıon teńge aıyppul tóleıdi
ATYRAÝ. QazAqparat - Atyraý qalasynyń mamandandyrylǵan ákimshilik soty 23 jastaǵy qala turǵynyna ınspektorǵa syılyq jasaǵany úshin aıyppul saldy, dep habarlaıdy QazAqparat.
«Atyraý qalasynyń turǵyny QR Ákimshilik quqyq buzýshylyq týraly kodekstiń 676- baby «Jeke tulǵalardyń zańsyz materıaldyq syıaqy berýi» boıynsha aıyptalyp otyr. Urlyq jasaǵany úshin sottalǵan er adam aǵa ınspektordyń telefonyna 500 birlik jiberip, sosyn «bul shyn kóńilmen» dep habarlama joldaǵan. Syılyqty alǵannan keıin polıtsııa qyzmetkeri Atyraý qalasy boıynsha qylmystyq-atqarý júıesi departamenti basshylyǵyna raportpen ótinish jasaǵan. Syılyq jasaǵysh er adam óziniń kinásin tolyq moıyndady, oǵan 200 AEK kóleminde (453 800 teńge) aıyppul salyndy», - delingen sottyń baspasóz baıanynda.
