Orynborlyq stýdent jalǵa alǵan kólikterin qazaqstandyqtarǵa satqan
ASTANA. QazAqparat - Reseı ІІM Orynbor MM TB Lenın aýdany soltústik-shyǵys bóligi aýmaǵynda qylmysty tergeý bóliminiń óndirisinde oblys ortalyǵy turǵyndarynan tórt kólikti urlaý faktisi boıynsha qylmystyq is jatyr, dep habarlady "Vremıa 56".
Polıtsııa qyzmetkerleri Orynbor JOO-larynyń biriniń 21 jastaǵy stýdenti jalǵa alǵan bolyp, kólikterdi urlaǵanyn anyqtady. Qaskúnem ınternet-saıttardaǵy jarnamadan taýyp, kólik ıelerimen kezdesýge ýaǵdalasyp, jalǵa alynǵan kólikterdi Qazaqstanǵa satyp otyrǵan.
Jedel izdeý sharalary barysynda kúdiktiniń qylmys jasaǵany anyqtalyp, ustaldy. Qazirgi ýaqytta polıtsııa qyzmetkerleri onyń 4 kólikti («Datsýn», «Lada Granta» markaly kólikter jáne eki «Lada Kalına» kóligi) urlaǵanyn anyqtady. Urlanǵan kólikterdi satqan kúdikti 150 000 rýbl paıda tapqan. Polıtseıler japa shegýshilerdiń biriniń quny 466 000 rýbl turatyn kóligin qaıtardy.
Tergeý jalǵasa bermek, onyń osyǵan uqsas qylmystarǵa qatystylyǵynyń bar-joǵy tekserilýde. Budan buryn 21 jastaǵy orynborlyq jigit urlyq jasaǵany úshin qylmystyq jazaǵa tartylǵan. Qazirgi ýaqytta atalmysh fakti boıynsha RF QK 159-baby 2-bóligine sáıkes qylmystyq is qozǵaldy. Bap sanktsııasy 5 jylǵa deıingi bas bostandyǵynan aıyrý jazasyn kózdeıdi.
