Orynbordaǵy jol apatynda qaza tapqan adamdardyń aty-jóni belgili boldy
AQTÓBE. QazAqparat - «Orynbor - Sol-Iletsk» tasjolynda jol apaty bolyp, 5 adam qaza tapty. Aqtóbe oblystyq TJD-i qaza bolǵandar men zardap shekkenderdiń tizimin jarııalady, dep habarlaıdy QazAqparat tilshisi.
«Jol apaty kezinde 1950 jyly týǵan Mınýr Davletshına men 1996 jylǵy Konstantın Motnenko jaraqat alyp, Sol-Iletsk qalalyq aýrýhanasyna tústi. Jaǵdaılary aýyr, jansaqtaý bóliminde em qabyldap jatyr. Sonymen qatar, jol apaty kezinde 1984 jylǵy Halabı Mahanov, 1987 jylǵy Serik Qýanov, 1963 jylǵy Orazgúl Tájimurat, 1977 jylǵy Baǵdagúl Elýbaeva, 1987 jyly týǵan Manas Aralhanov kóz jumdy. Aldyn ala málimet boıynsha, qaza bolǵandardyń bári Aqtóbe oblysynyń týmasy. Qazir Reseı tótenshe jaǵdaılar mınıstrligimen birlese jumys atqarylyp jatyr. Týma-týystary Aqtóbedegi TJD habarlasýy kerek», - depmálim etti oblystyq TJD baspasóz qyzmeti.
Eske salsaq, búgin Orynbordyń Elshanka aýyly mańynda iri jol apaty boldy. Oblystyq tótenshe jaǵdaılar departamenti jedel shtab quryp, qaza bolǵandar men zardap shekken adamdardyń týǵan-týystaryn anyqtady. Qazirgi kezde qaza bolǵan adamdardyń máıitterin Aqtóbege jetkizý jumysy júrip jatyr.
