Orynborda Olımpıada alaýyn «QazRosGaz» qabyldaıdy
ASTANA. 8 qazan. QazAqparat - Kelesi jyly Reseıdiń Sochı qalasynda ótetin XXII Qysqy Olımpıada oıyndary alaýynyń estafetasy bastaldy. Oǵan «QazRosGaz» JShS basqarmasynyń tóraǵasy Boranbaev Qaırat Sovetuly qatysady.
«Sochı-2014» Olımpıada alaýynyń estafetasyna barlyǵy 14 000 adam qatysady. Estafeta Reseı Federatsııasynyń 85 qalasynda ótip, Olımpıada oıyndarynyń tarıhyndaǵy eń aýqymdy ári eń uzaq jalǵasqan estafetaǵa aınalmaq. Alaý óz jolyn 2013 jyldyń 7 qazanynda Máskeýden bastap, 2014 jyldyń 7 aqpanynda Olımpıada oıyndarynyń ashylýy kúninde, ıaǵnı tórt aıdan keıin aıaqtalady. 123 kún boıy Olımpıada oıyndarynyń alaýyn qatysýshylar poıyzdarda, ushaqtarda, at pen buǵy ústinde de alyp júredi. 65 myń shaqyrymdy júrip ótetin alaýdy Reseıdiń 2900 eldimekeniniń 130 mıllıon halqy tamashalaıdy.
Olımpıada alaýyn 87-shi bolyp qabyldaıtyn qala - Orynbor. Onda qurmetti estfetany alyp júrý rásimine «QazRosGaz» Qazaqstan-Reseı birlesken kásiporny basqarmasynyń tóraǵasy Qaırat Boranbaev qatysady.
