Orynborda ishimdikke ýlanyp kóz jumǵandar sany 29 boldy

ORYNBOR. TASS-QazAqparat - Reseıdiń Orynbor oblysynda ishimdikten ýlanyp qaıtys bolǵandar sany artty, dep habarlaıdy QazAqparat TASS agenttigine silteme jasap.

«Reseı tergeý organdary Orynbor oblysyndaǵy ishimdikten ýlaný oqıǵasy boıynsha qylmystyq isti jan-jaqty tergep jatyr. Osy ýaqytqa deıin tergeý barysynda Orynbor oblysynyń tórt aýmaqtyq bólinisinde turatyn 29 adamnyń qazasynyń egjeı-tegjeıi zerdelenip jatyr. Zardap shekken basqa da adamdarǵa tıisti kómek kórsetilýde» delingen Reseı tergeý komıtetiniń saıtynda jarııalanǵan málimette.

Eske sala keteıik, Reseıdiń Orynbor oblysynda elýden astam adam alkogoldi ishimdikke ýlanyp, aýrýhanaǵa túsken. Onyń 29-y kóz jumdy.

Kontrafakt ishimdikten ýlaný týraly habar 7 qazan kúni túnde túsken.

Tergeýshiler men polıtseıler qoıma men óndiris beketin taýyp, 600 lıtr spırti bar suıyqtyqty tárkiledi.

Alty qylmystyq is qozǵaldy. Alkogol ónimderin zańsyz óndirip, saqtaǵan jáne satqan 9 adam ustaldy.