Orynborda Aqtóbe oblysynyń kúnderi ótti

Aqtóbelikter Orynbordyń ıÝrıı Gagarın atyndaǵy alańyna 6 aǵash úı tigip, qala turǵyndaryn etnoqalashyqqa shaqyrdy. Bul jerde qolóner sheberleri arnaıy sheberlik sabaqtaryn ótkizip, eki óńirdiń densaýlyq saqtaý jáne bilim berý salalaryndaǵy qyzmetkerleri ózara tájirıbe almasty. Al saıabaqta kásibı sýretshilerdiń jármeńke-kórmesi uıymdastyryldy.

Resmı kezdesý kezinde oblys ákimi Berdibek Saparbaev Orynbor oblysynyń gýbernatory ıÝrıı Bergti EKSPO kórmesine shaqyryp, bılet syılady. «Biz qazaqstandyqtardyń halyqaralyq kórmeni ótkizýge tııanaqty daıyndalyp jatqandyǵyn kórip turmyz. Onyń jemisti ótýi úshin Astanada arnaıy «EKSPO» biregeı qalashyǵy turǵyzylyp jatyr. Biz mindetti túrde kórmege baramyz», - dedi Orynbor oblysynyń gýbernatory ıÝrıı Berg.

Aqtóbelikter Orynborda aýyl sharýashylyǵy jármeńkesin ótkizdi. Sharýa qojalyqtary 20 tonna sıyr, jylqy, shoshqa jáne taýyq  etin, 10 tonna kúnbaǵys maıyn, 3,5 tonna sút ónimderi men 9 myń dana jumyrtqa, un men makaron, kondıter ónimderin apardy. Qazaqtyń ulttyq taǵamdarynan tary-jarma, shubat usynyldy.

«Eki eldi tek máńgilik dostyǵymyz ben odaqtastyǵymyz týraly kelisimsharttar men dekloratsııalar ǵana emes, sonymen qatar, ekonomıka, saýda, mádenıet jáne ózge de salalar baılanystyrady. Sońǵy 25 jyl ishinde Qazaqstan men Reseı ekonomıkalyq, áleýmettik jáne mádenı damýda úlken jetistikterge jetip, sara joldan ótti. Men mundaı sharalardyń eki jaqty, tatý kórshilik qatynastardyń damýyna sebepshi bolady dep oılaımyn. Urpaq aldyndaǵy mindetimiz - dostyǵymyzdy saqtaý», - dedi oblys ákimi Berdibek Saparbaev.

Orynbordaǵy Aqtóbe oblysynyń kúnderi aıasynda óńir basshysy B.Saparbaev sol jaqta bilim alyp jatqan aqtóbelik  jastarmen kezdesip, el ishinde atqarylyp jatqan isterdi aıtyp berdi. «Bolashaq», «Dıplommen aýylǵa», «Serpin-2050» baǵdarlamalarynyń múmkindikteri men artyqshylyqtary sóz boldy. Aıta keteıik, qazirgi kezde 60 aqtóbelik Orynbordyń aýyl sharýashylyǵy ýnıversıtetinde bilim alyp júr. «Jyl basynda Memleket basshysy «Qazaqstannyń úshinshi jańǵyrýy: Jahandyq básekege qabilettilik» atty Joldaýy men «Bolashaqqa baǵdar: rýhanı jańǵyrý» atty maqalasy jarııalady. Eldiń ekonomıkalyq, saıası jáne rýhanı jańǵyrýynyń úshinshi kezeńi bastaldy. Sizderdiń aldaryńyzda ómirge jańa ıdeıalardy ákelip, jańa belesterdi baǵyndyrý, eldiń jetistigin arttyrý mindeti tur», - dedi Berdibek Saparbaev. 

Aıta keteıik, Orynbor oblysy Aqtóbe oblysynyń mańyzdy saýda serigi bolyp tabylady. 2016 jyly Aqtóbe oblysy men Reseı Federatsııasy arasyndaǵy ózara saýda aınalymy 862,5 mln. AQSh dollaryn qurady. Onyń 85 mln. AQSh dollary Orynbor oblysyna tıesili.