Orynborda 26 adam ishimdikten ýlanyp, kóz jumdy

ORYNBOR. QazAqparat - TASS – RF Orynbor oblysynda sýrrogat ishimdikten ýlanyp, 26 adam kóz jumdy jáne 28 adam zardap shekti, dep habarlaıdy QazAqparat TASS-qa silteme jasap.

«Zardap shekkender sany 49 adamnan 54-ke ósti. Aýyr halde aýrýhanaǵa jetkizilgender de qaıtys boldy. Jalpy, 26 adam kóz jumyp, 28-i aman qalǵan, taǵy bir bóligi statsıonarda jatyr», - dedi Orynbor oblysy óńirlik jáne aqparattyq saıasat mınıstriniń orynbasary Inna Averkova.

Kontrafakt ishimdikten ýlaný týraly habar 7 qazan kúni túnde túsken. Tergeýshiler men polıtseıler qoıma men óndirik beketin taýyp, 600 lıtr spırti bar suıyqtyqty tárkiledi. Alty qylmystyq is qozǵaldy. Alkogol ónimderin zańsyz óndirip, saqtaǵan jáne satqan alty adam ustaldy.