Orynbor oblysynyń Qazaqstanmen shekarasynda malda qutyrý aýrýynyń taralýy tirkeldi

«Qutyrý boıynsha epızootıkalyq jaǵynan qaýipsiz sanalatyn Orynbor oblysynyń Pervomaı aýdanynda bıyl 10-14 naýryz aralyǵynda «Oral» JShQ-nyń malsharýashylyq fermasy aýmaǵynda qutyrý belgilerimen 8 iri qara qyryldy. 16 naýryz kúni iri qara maldyń taǵy 3 basy óldi. 11 maldyń óleksesi órteldi, janbaı qalǵan qaldyqtary mal qorymyna laqtyryldy», - dep málim etti Orynbor oblysynyń aýyl sharýashylyǵy mınıstrliginen.

Vedomstvonyń málimetine qaraǵanda, ınfektsııanyń paıda bolý kózi iri qaranyń jabaıy jyrtqysh ańdarmen qatynasynan bolǵan. «Ferma qorshalmaǵan. Jabaıy janýarlardyń aýmaqqa ári óndiristik qora-qopsyǵa kirýin joqqa shyǵara almaımyz. Qoldaǵy maldyń ábden azǵany da epızootıkalyq jaǵdaıdy qıyndatyp otyr», - dep atap ótilgen habarlamada.

Aıta keteıik, Orynbor oblysynda 2013 jyly maldyń qutyrýy boıynsha 119 qolaısyz beket anyqtaldy. Onda iri qaranyń 160 basy indetke shaldyǵyp qyrylǵan.