Orynbaı Janaıdarov Abaıdyń poezııasyn orysshaǵa aýdardy

NUR-SULTAN. QazAqparat - Elordada aqyn, aýdarmashy Orynbaı Janaıdarovtyń «Abaı. Stıhı ı poemy» atty kitabynyń tusaýkeseri boldy, dep habarlaıdy QazAqparat tilshisi.

«1989 jyly Abaıdyń «Qalyń elim, qazaǵym, qaıran jurtym« óleńin aýdaryp, on shaqty ret ózgerttim. Bul ońaı jumys emes. Ádebıet - aýyr eńbek, poezııa - tipten qıyn eńbek. Ol jalqaýlyq pen salǵyrttyqty kótermeıdi. Aýdarmamen aınalysqan kezde bar janyńdy salýyń kerek», - deıdi kitap avtory Orynbaı Janaıdarov.

Ǵalym Shákir Ibraev bul kitaptyń kúndelikti jazylyp jatqan kitaptardan ereksheligi bar ekenin aıtty.

«Abaıdy tereńnen túsinip otyryp orys tiline aýdarý - mádenı, rýhanı ómirimizdegi erekshe oqıǵa. Abaıdy aýdarýǵa basqa da avtorlar talaptanyp kórgen, biraq olar Abaıdyń deńgeıinde aýdara aldy dep aıta almaımyz. Olar keı jerlerin aqyndyq qııalǵa salynyp, ult rýhyn bere almaı qalady. «,- deıdi ǵalym Shákir Ibraev.

Ol Orynbaı Janaıdarovtyń Abaıdy aýdarýǵa úlken daıyndyqpen kelip otyr.

«Buǵan deıin ol jyraýlar poezııasyn, 15-18 ǵasyrdaǵy qazaq aqyndarynyń óleńderin aýdarýda úlken tájirıbe jınaǵan. Ol jylyna Abaıdyń 3-4 óleńin ǵana aýdarǵan. Bul osy jaǵdaıǵa asa jaýapkershilikpen qaraǵandyǵynyń belgisi», - deıdi Shákir Ibraev.