Orynbasary jemqorlyqpen sottalǵan BQO ákimi endi qyzmetinen kete me

ASTANA. QazAqparat – Orynbasaryńyzdyń jemqorlyqpen sottalýyna baılanysty qyzmetińizden ketesiz be? Úkimet otyrysynyń kýlýarynda BAQ ókilderi Batys Qazaqstan oblysynyń ákimi Narıman Tóreǵalıevke osyndaı suraq qoıdy, dep habarlaıdy QazAqparat tilshisi.

Bul suraqqa ákim ekiudaı jaýap berdi.

«Úkim áli kúshine engen joq. Kúshine ensin», - dedi ákim.

Jýrnalıst suraǵyn «Eger sot úkimi kúshine ense, otstavkaǵa ketýge daıynsyz ba?» dep naqtylady.

«Memlekettik qyzmet týraly zańǵa sáıkes ary qaraı jumys júrgiziledi», - dep jaýap berdi Narıman Tóreǵalıev.