Oryn alǵan buzýshylyqtar saılaý protsesine keri áser etken joq - Nurlan Óteshov
«Keshe ótken saılaýǵa QR Kásipodaqtar federatsııasy tarapynan da 7 myńnan astam baıqaýshy qatysty. Osy beıpartııalyq baıqaý ortalyǵyndaǵy baıqaýshylardyń jumysyna úles qosyp, saraptamalyq jumysty bastap kettik. Biz de ózimizdiń esebimizdi daıyndaımyz. Biz QR Kásipodaqtar federatsııasy tarapynan shyqqan baıqaýshylarǵa, saılaý protsesine úles qosqan azamattarǵa shynaıy alǵysymyzdy bildirgimiz keledi. Bizdiń oıymyzsha, saılaý zań sheńberinde ótti. Keshe saılaý kezinde azamattarymyz quqyqtyq mádenıti joǵary ekenin kórsetti. Saılaý komıssııasy da, baıqaýshylar da, saılaýshylar da óz jumystaryna asa jaýapkershilikpen qarady», - deıdi Nurlan Óteshov.
Ol keshe ótken saılaýǵa qatysty áleýmettik jelilerde qandaı jalǵan aqparattar taratylǵany týraly aıtty.
«Buzýshylyqtardyń kóbi áleýmettik jelilerde jalǵan aqparattardyń taralýyna qatysty boldy. Keshe áleýmettik jelilerde júzdegen jalǵan aqparat tarady. Olardyń qaıdan, qalaı, ne úshin shyqqany týraly taldaý jasap jatyrmyz. Jalǵan aqparattar azamattardyń ózderiniń quqyqtaryn bilmegennen jasalyp jatqan bolýy múmin. Mysaly, buryn bolǵan nemese bizdiń elde bolmaǵan ártúrli oqıǵalardy keshe ǵana jáne bizdiń elde bolyp jatqandaı etip shyǵarǵan. Sonymen qatar, býllıng te oryn aldy. ıAǵnı, saılaý ýchaskesindegi keıbir baıqaýshyǵa kedergi jasap, orynsyz suraq qoıyp, beınejazbaǵa túsirip, olardyń ruqsatynsyz áleýmettik jelige salǵan jaǵdaılar kezdesti. Bul solaı áreket jasaǵan azamattardyń quqyqtyq mádenıeti tómen ekenin dáleldeıdi. Bizdiń tarapymyzdan buzýshylyqtar asa qatty baıqalǵan joq. Buzýshylyqtardyń 99%-y saılaý protsesine keri áserin tıgizbeıtin, tez arada sheshimin tabýǵa bolatyn qatelikter boldy. Mysaly, bir otbasy daýys beretin kabınkaǵa birge kirip ketken. Bul da buzýshylyqqa jatady, biraq ol daýys berý nátıjesine aıtarlyqtaı áser etpeıdi», - deıdi ol.
