Órttiń betalysyn dál anyqtaıtyn júıe synaqtan ótkizilip jatyr
ASTANA. KAZINFORM — Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Úkimet otyrysynda órttiń betalysyn dál anyqtaıtyn júıe synaqtan ótkizilip jatqanyn málim etti.
— Órtterdi modeldeý tásili meteoderekter negizinde jel baǵyty, eńis jáne janǵysh materıaldardyń ylǵaldylyǵyn eskere otyryp júrgiziledi. Osy arqyly órttiń taralý baǵyty men jyldamdyǵyn anyqtaýǵa bolady. Jaqyn arada synaq aıaqtalǵan soń, qural Tabigat aqparattyq júıesine engiziledi, — dedi ol.
Sondaı-aq, ol Tótenshe jaǵdaılar mınıstrligine mchs.gharysh.kz geoaqparattyq júıesinen órttiń taralý aýqymyn jedel baǵalaýǵa múmkindik beretin keskinderdi alý múmkindigi berilgenin aıtty.
— Sýretter otandyq Jerdi qashyqtan zondtaý apparattary men sheteldik seriktesterdiń resýrstary esebinen beriledi. 2025 jyldan bastap Qazaqstan ǵarysh jáne iri apattar jónindegi halyqaralyq hartııaǵa qosyldy, bul tótenshe jaǵdaılarda halyqaralyq seriktesterden sýretterdi tegin alýǵa jol ashady, — dedi Jaslan Mádıev.
Aıta keteıik, Shyǵys Qazaqstan oblysy Zaısan aýdanynda órt sóndirýshiler qamys pen shópti sharpyǵan tilsiz jaýmen áli kúresip jatyr.