Órttiń shyǵýyna terek mamyǵy sebep bolǵan - Qostanaı
QOSTANAI. QazAqparat - Qostanaıda terek mamyǵynan birneshe órt oshaqtary paıda boldy, dep habarlaıdy QazAqparat oblystyq TJD baspasóz qyzmetine silteme jasap.
Oblysta byltyrǵy jylmen salystyrǵanda órt sany kúrt ósken. Kóp jaǵdaı tilsiz jaýdyń týyndaýyna terek túbiti sebep bolady.
«20 maýsymdaǵy málimet boıynsha, oblysta 21 órt terek túbitiniń janýynan shyqqan. Jalpy, oblysta jyl basynan beri 123 órt faktisi tirkelgen. Terek túbiti tez tutanady jáne barlyq baǵyttarda óte jyldam taralady. Nátıjesnde órt aýmaǵy ulǵaıa beredi. Tek qana balalar emes, sonymen qatar eresekter de temeki tuqyldaryn nemese sirińkeni sóndirmeı tastap, terek túbitiniń janýyna sebep bolady», - delingen TJD baspasóz habarlamasynda.
Máselen, keshe qaladaǵy Voınov-Internatsıonalıster jáne Qaıyrbekov kósheleriniń qıylysynda terek túbiti janyp, jalyn jeke turǵyn úıge tıgen. Nátıjesinde, órt sónirýshiler 17 adamdy evakýatsııalady. Onyń beseýi - balalar. Órt saldarynan 2 velosıped pen sábı arbasy janyp ketti.
Osyǵan oraı, Qostanaı oblysynyń tótenshe jaǵdaılar Departamenti kóshede jáne úı aýlalarynda abaı bolýǵa shaqyrady.
