Órtti sóndirýge árekettengen er adam kúıip qaldy
ÓSKEMEN. QazAqparat - Óskemenniń syrtyndaǵy Sol jaǵalaý kentinde jeke úıden órt shyǵyp odan er adam zardap shekti. Ol úıinde shyqqan órtti sóndirmekke árekettengende denesin kúıik shalǵan, dep habarlaıdy «QazAqparat» HAA tilshisi óńirlik TJ departamentine silteme jasap.
Denesiniń 70%-in kúıik shalǵan er adam №1 qalalyq aýrýhananyń jansaqtaý bólimine tústi.
«Túngi saǵat 2-de úıdiń shatyry, aǵash qurylymdary, qabyrǵalar, jıhazdar men jeke zattar janyp ketken. Órt kórshi úıge de ótip úlgergen. Órt sóndirýshiler kelgenge deıin tilsiz jaý jalyny úıin sharpyp ketetindigine qaýiptengen kórshi ony ózdiginen sóndirýge áreket jasaǵan. Sol kezde gaz ballony atylyp, saldarynan er kisi denesiniń 70%-sy kúıik shalǵan», - delingen habarlamada.
