«Órtti sóndirý múmkin emes». Atyraýda 17 gektar aýmaqta qamys órtenip jatyr
ATYRAÝ. QazAqparat – Atyraýda kanal saǵasyndaǵy qamys órtenip jatyr, dep habarlaıdy QazAqparat.
Atyraý oblystyq Tótenshe jaǵdaılar jónindegi departamenttiń habarlaýynsha, búgin «Aısan» kanalynyń saǵasynda shamamen 15-17 gektar aýmaqta quraq janyp jatqany anyqtalǵan. Bul kanal Kaspıı teńiziniń jaǵalaýynda ornalasqan. Órt oshaqtaryn anyqtaý úshin departament bastyǵynyń orynbasary, azamattyq qorǵaý polkovnıgi R. Blıalovtyń basshylyǵymen saǵat 12:30-da «Eurocopter» ES-145 áýe kemesimen aerovızýaldy ushý júrgizilgen.
«Órtti sóndirý múmkin emes. Bul jerge órt sóndirý tehnıkasy men jeke quram kireberis joldardyń bolmaýyna baılanysty bara almaıdy. Alaıda, atalǵan órt oblys ortalyǵyna qaýip tóndirmeıdi», -dep habarlady departamenttiń baspasóz qyzmeti.
