Órtti quıyn 40 mınýt boıy órshidi
ASTANA. 20 qyrkúıek. QazAqparat - Ortalyq Avstralııanyń turǵyndary óte sırek kezdesetin tabıǵı qubylys - órtti quıyndy óz kózderimen kórdi.
Ony «Іbilis oty» dep te ataıdy. Televızııalyq túsirilim toptarynyń biri tabıǵı qubylystyń sırek kezdesetin kórinisin túsirip aldy, dep jazady Eýrazııa birinshi arnasy.
NTV.rý habarlaǵandaı, fılmniń rejısseri Krıs Tendjıdiń aıtýynsha, quıynnyń bolatynyn bildiretin eshbir belgi bolmapty. Aýa temperatýrasy 25 gradýstan aspaǵan, aýa raıy jelsiz, kún ashyq bolypty. «Men burylyp qaraǵan edim, 30 metrlik órtti quıyndy kózim shaldy. Onyń dybysy reaktıvti joıǵysh ushaqtan shyqqandaı dybysqa uqsady. Kórinisten tóbe shashym tik turdy», - dedi Krıs Tendjı. «Іbilis oty» 40 mınýttaı órshidi.
Mamandardyń aıtýynsha, mundaı quıyndar óte sırek bolady eken. Odan tónetin qaýip te joǵary. Ádette mundaı quıyndardan keıin orman órtenedi.
