Órtterde eki er adam men 9 jastaǵy qyz qaza boldy - QR TJM
ASTANA. 13 maýsym. QazAqparat - Órtterde eki er adam men 9 jasar mert boldy, dep habarlaıdy QR TJM baspasóz qyzmetinen.
Búgin túnde Soltústik Qazaqstan oblysynyń Voskresenovka aýylynda jekemenshik turǵyn úı otqa oranǵan. Jalyn 76 sharshy metr aýmaqty jaıpady. Tilsiz jaýdy aýyzdyqtaýǵa QR TJM SQO TJD órt sóndirý qyzmetiniń 5 mamany men bir tehnıkasy jumyldyryldy. Oqıǵa ornynan 56 jastaǵy er adamnyń máıiti tabyldy.
Sondaı-aq búgin túnde Semeı qalasynda Qosanov kóshesinde ornalasqan jer úıde órt boldy. Jalyn 30 sharshy metr aýmaqty sharpydy. Oqıǵa ornynan 52 jastaǵy er adamnyń múrdesi tabyldy. Órtpen QR TJM ShQO TJD órt sóndirý qyzmetiniń 15 mamany men 4 tehnıkasy arpalysty.
12 maýsym kúni Qostanaı oblysy Konstantınovka kentindegi Sadovaıa kóshesinde ornalasqan turǵyn úı órtendi. Tilsiz jaý 60 sharshy metr aýmaqqa jaıyldy. Oqıǵa ornynan 9 jasar qyzdyń máıiti tabyldy. Ysty gazǵa ýlanǵan 10 jastaǵy bala aýrýhanaǵa jetkizildi. Jalyndy aýyzdyqtaýǵa QR TJM Qostanaı oblystyq TJD órt sóndirý qyzmetiniń 9 mamany men 3 tehnıkasy baǵyttaldy.
