Órtterde egde jastaǵy adamdar qaza tabýda - QR TJM
ASTANA. 2 jeltoqsan. QazAqparat - Soltústik Qazaqstan oblysynyń Taıynsha qalasynda senbi kúni tańerteń 4 páterli úıde órt boldy, dep habarlaıdy QR TJM-nen.
Jalyn eki saǵattan keıin sóndirildi. Onymen kúreste QR TJM Soltústik Qazaqstan oblystyq TJD órt sóndirý qyzmetiniń 5 adamy men 1 tehnıkasy jumyldyryldy. Oqıǵa ornynda 72 jastaǵy er adamnyń múrdesi tabyldy.
Buryn habarlanǵandaı, Kókshetaý qalasynda bolǵan órt kezinde kúıik shalǵan 87 jastaǵy zeınetker qaza tapty, onyń 60 jastaǵy balasy aýrýhanaǵa jetkizildi. Órt úıdegi turmystyq gaz ballonyn qosý kezinde bolǵan gaz-aýa qospasynyń shyǵýynan boldy, órt 60 sharshy metr aýmaqqa tarady.
Órtti sóndirý kezinde 47 adam (sonyń ishinde 5 bala) qaýipsiz jerge kóshirilip, týystaryna jaıǵastyryldy. Jalynmen kúres júrgizýde QR TJM Aqmola oblystyq TJD-gi «Órt sóndirý jáne apattyq-qutqarý jumystary qyzmeti» MM-niń 30 adamy men 7 tehnıkasy jumyldyryldy.
