Órtten zardap shekken qostanaılyqtarǵa kómek berýge arnalǵan biryńǵaı qoǵamdyq qor quryldy

NUR-SULTAN. QazAqparat – Qostanaı óńirinde órtten zardap shekken turǵyndarǵa kómek berýge arnalǵan biryńǵaı qoǵamdyq qor quryldy, dep habarlaıdy QazAqparat oblys ákimdiginiń baspasóz qyzmetine silteme jasap.

Qazaqstandyqtar jappaı kómek kórsete alýy úshin qurylǵan qor málimetteri mynadaı:

«Qaıyrymdylyq KZ» QQ

BIN 220640046689

IIK KZ82601 A22100 1568 401

«Qazaqstannyń halyq banki» AQ BIK HSBKKZKX

Kbe 18

Zardap shekkenderge kómek berýdi jeleý etip, qarajat jınaýda alaıaqtyq áreketterdi boldyrmaý úshin jergilikti ákimdik osy kórsetilgen rekvızıtterge ǵana aýdarymdar jasaýdy suraıdy.

Buǵan deıin Qostanaı jurtshylyǵyna elimizdiń barlyq azamattary qoldaý kórsete alatyn qor ashý josparlanyp otyrǵanyn habarlaǵan edik.

«Búgingi tańdaǵy aqparat boıynsha, órtten 108 ǵımarat zardap shekti. Onyń ishinde 98 úı tolyǵymen órtendi. Іri kásiporyndar men shaǵyn bıznes te kórsetiletin kómekten shet qalmaıdy. Zardap shekkenderge barlyq jaǵynan qoldaý jasalady. Jaqyn kúnderi Qostanaı jurtshylyǵy qazaqstandyqtar jappaı qoldaý kórsete alatyn qor ashýdy josparlap otyr», - dep málim etken bolatyn jergilikti ákimdiktiń baspasóz qyzmetinen.