Órtten zardap shekken qostanaılyqtarǵa azyq-túlik jiberilip jatyr

QOSTANAI. QazAqparat – Ahmet Baıtursynulynyń 150 jyldyǵyn atap ótý úshin satyp alynǵan jáne Torǵaıǵa jiberilgen azyq-túliktiń barlyǵy orman órtinen zardap shekken Áýlıekól turǵyndaryna jóneltiledi, dep habarlaıdy QazAqparat.

Qostanaı oblysynyń ákimdigi osy kezde Torǵaıdan Áýlıekólge jóneltý úshin júk kólikterine azyq-túlik tıelip jatqanyn habarlady.

Sondaı-aq Qazaqstan halqy Assambleıasynyń bastamasymen Áýlıekól aýdanynyń órtten zardap shekken turǵyndaryna azyq-túlik, gıgıenalyq jáne kórpe-tósek zattaryn jiberý jumystary uıymdastyrylady.

Osyǵan deıin 2022 jyldyń 2 qyrkúıeginde saǵat 15:10-da Qazanbasy aýylynan 20 shaqyrym jerde ornalasqan «Basaman KShSh» KMM aýmaǵynda orman alqaby janǵany habarlandy.

Búgin QR Tótenshe jaǵdaılar mınıstri ıÝrıı Ilın Áýlıekól aýdanyndaǵy órt shyqqan aýmaqqa attandy .

Sonymen qatar órtke baılanysty «Qostanaı-Áýlıekól» tasjoly jabyldy.

Qostanaı oblysynyń órt bolyp jatqan jerge jaqyn ornalasqan eldi mekenderinen adamdardy evakýatsııalap jatyr.

Qazirgi tańda órt sóndirýshiler Amanqaraǵaı aýylynda 60 úıdi órtten aman alyp qalý qamymen júr.

Qostanaı oblysynda órtten zardap shekken, kómekti qajet etetin azamattar arnaıy iske qosylǵan shuǵyl jelige habarlasa alady.

Janna Musabaeva