Órtten qaza bolǵandardy tekserý aıaqtaldy - Sot saraptama ortalyǵy
AQTÓBE. QazAqparat - Sot saraptama ortalyǵy túni boıy jumys istedi. Barlyǵy 8 maman qaza bolǵan adamdardyń múrdesinene zertteý júrgizdi, dep habarlaıdy QazAqparat tilshisi.
Aqtóbedegi sot saraptama ortylyǵy 50-den astam adamnyń múrdesine saraptama jasaý jumystaryn aıaqtap qaldy. Oqıǵa ornyna barlyǵy 4 maman barsa, túni boıy 8 adam jumys istedi. Ázirge aldyn ala qorytyndy daıyn bolǵan joq. Sarapshylar qaza bolǵan adamdardyń jynysyn da aıta almady.
«Keshe Aqtóbe oblysyna arnaıy keldim. Sarapshylar túni boıy jumys istep, tańda jumysty aıaqtady. Qazirgi kezde keıbir zertteý jumystary júrgizilip jatyr. Oqıǵa ornynda jedel tergeý toby jumysty jalǵastyryp jatyr. Tergeý júrip jatqan soń qorytyndyny aıta almaımyz. Negizinen qaza bolǵan adamdardyń múrdesi tolyq jetkizildi. Sarapta jumysy kezinde Ózbekstandaǵy áriptesterimiz kelip, túni boıy jumys istedi»,- QR Ádilet mınıstrligi «Sot saraptama ortylyǵy» RMQK dırektorynyń orynbasary Nazgúl Imanbaeva.
Múrdelerge saraptama jasaýǵa «Sot saraptama ortylyǵy» RMQK Aqtóbe oblystyq fılıalynyń qyzmetkerleri tolyq jumyldyryldy. Aýdandaǵy sot sarapshylary da qatysty. Degenmen kórshi oblystar kómek kórsetýge daıyn otyrǵan.
«Adamdardyń kim ekenin anyqtaý jumysy Aqtóbede júrgizilmeıdi. Sonymen qatar, múrdeler Astanaǵa aparylmaıdy. Saraptama júrgizý óte qıyn boldy. Aýa raıy da qolaısyz, kún aıaz»,- dedi Nazgúl Imanbaeva.
