Órtten eki balany qutqarǵan Aqmola oblysynyń turǵyny nagradtaldy - TJM
Búgin TJ mınıstrliginde Tótenshe jaǵdaılar mınıstri ıÝrıı Ilın Aqmola oblysynyń turǵyny Talǵat Jeksembekovty «Órtte kórsetken qaısarlyǵy úshin» medalimen nagradtady. Ol Aqmola oblysy Tselınograd aýdanynyń Qoıandy aýylynda bolǵan órt kezinde 2 balany qutqardy.
Qolda bar aqparat boıynsha, 2022 jylǵy 24 qyrkúıekte saǵat 14.00 shamasynda Tselınograd aýdany Qoıandy aýylynda turatyn 1978 jyly týǵan azamat kámeletke tolmaǵan balalaryn tósekke jatqyzyp, jaqyn jerde jumys isteıtin jubaıyna túski asty aparyp berýge ketti. Ol úıden shyǵyp ketken soń tósek pen kıim órtenip ketti. Kórshi úıdiń terezesinen tútindi kórip kórshisi aýlaǵa júgirip baryp, jaqyn jerde ekskavatorda jumys istegen 1968 jyly týǵan Talǵat Jumkenuly Jeksembekovty shaqyrdy. Er adam birden kómekke júgirdi.
Turǵyn úı qulypqa jabýly boldy. Talǵat Jeksembekov qulypty buzyp, ishke kirdi. Ol 2020 jyly týǵan bir qyzdy kóterip alyp shyqty, al 2019 jyly týǵan ekinshi qyz onyń artynan órtenip jatqan úıden kóshege júgirip shyqty. Odan keıin balalar ártúrli dárejedegi termııalyq kúıikpen Astana qalasynyń №2 qalalyq aýrýhanasyna jatqyzyldy.
Azamattyq qorǵaý organdarynyń qyzmetkerleri shaqyrylǵan joq. Órttiń aldyn ala sebebi – balalardyń otpen oıyny.
«Men Qoıandyda ekskavatorda jumys istedim. Túski astan keıin men demalyp, jumysyma jaqyn jerde úı órtenip jatqanyn kórdim. Úıden qatty tútin shyqty. Men ushyp turyp, sol jerge bardym, biraq úıge kire almadym. Taǵy bir jigit shyqty, biz birigip ilýli turǵan qulypty syndyrdyq. Óte qatty tútin boldy. Men eńkeıip, tósekte jylap otyrǵan eki qyzdy kórdim. Tósek janyp jatqandyqtan, órt jaqyn jerde boldy. Men tósek astynan eki qyzdy kórdim. Qyzdardyń bireýin ózim alyp shyqtym, ekinshi sól úlkendeý bolǵandyqtan, meniń artymnan júgirip shyqty. Men tútinmen demalǵandyqtan, syrtqa shyqqanda álsireı bastadym», - dep Talǵat Jeksembekov eske aldy.
Qurmetti ata-analar, bul bala aman-esen qutqarylǵan sátti oqıǵa, biraq qaıǵyly nátıje beretin kóptegen faktiler bar.
TJM balalardy eresekterdiń qaraýynsyz qaldyrmaýǵa keńes beredi.
Foto: gov.kz
