Órtten aman qalǵan Quran
ASTANA. 14 qańtar. QazAqparat - Ázirbaıjan Respýblıkasynyń Zaǵatal aýdanyndaǵy bes bólmeden turatyn eki qabatty jekemenshik úı órtengen kezde qasıetti Quran kitabyna esh zııan kelmegen.
Úı ıesiniń aıtýynsha, ol órt saldarynan 85 myń manat turatyn dúnıe-múlkinen aıyrylǵan. Jeti adamnan turatyn eki otbasy baspanasyz qaldy. Erekshe aıta keter jaıt, barlyq dúnıe-múlik túgi qalmaı janyp ketkenimen úıdiń ishindegi qasıetti Quran ottan «aman» qalypty.
Esterińizge sala keteıik, osyǵan uqsas oqıǵa byltyr da dál osy Ázirbaıjan elinde oryn alǵan bolatyn. 2013 jyldyń 19 qazanynda Sumǵaıyt qalasyndaǵy «Kıarvan» dep atalatyn saýda ortalyǵy órtenip, otqa oranǵan saýda ortalyǵyndaǵy taýarlardan túk qalmaı janyp ketken. Bir qyzyǵy, qasıetti Quranǵa záredeı zııan kelmegen.
Jalyny bet qaratpaı laýlaǵan órttiń kúshtiligi sondaı, ony sóndirý úshin birneshe órt sóndirý tehnıkasy jumyldyryldy.
